На денешната судска седница донесени се следниве пресуди: Затворска казна од три години години доби поранешниот директор на УБК Сашо Мијалков , лидерот на ДПА Мендух Тачи доби затворска казна од три години и два месеци, ексчленовите на ДИК Бедредин Ибраими 4 години и шест месеци , Анета Стефановска, три години , Влатко Сајковски, три години затворска казна и Сашо Срцев исто така три години затворска казна.

Судечкиот совет на Основен суд Скопје 1 го прифати барањето на СЈО за одредување на притвор за Сашо Мијалков и Бедредин Ибраими, осудени на затворски казни за „Титаник 2“.

Поранешниот директор на УБК, Сашо Мијалков е осуден на три години затвор и ова е прва пресуда од четирите активни обвиненија за Мијалков. Тој е обвинет во случаите „Таргет-Тврдина“, „Тортура“, „Трезор“, а осомничен е во истрагата за „Империја“.

Поранешниот член на ДИК од ДПА, доби  4 годиини и 6 месеци.

Мијалков е во куќен притвор и со полициска придружба беше донесен во судницата и со истата придружба ќе биде однесен во истражниот затвор во „Шутка“. Таму ќе биде однесен и Ибраими.

За останатите осудени се одредени мерки на претпазливост.

Во „Титаник 2“ на СЈО обвинети се лидерот на ДПА Мендух Тачи, поранешниот директор на УБК Сашо Мијалков, како и поранешните членови на ДИК Бедредин Ибраими, Анета Стефановска, Влатко Сајковски и Сашо Срцев.

Случајот го води судијата Огнен Ставрев.

Јавната обвинителката Фатиме Фетаи во завршни зборови, побара осудителни пресуди за сите обвинети во случајот.

Случајот почна во април минатата година, а претставник на државното правобранителство на едно од рочиштата преднајави отштетно побарување во висина од 197.574 денари.