Толку е очајна ВМРО-ДПМНЕ, што се потпира исклучиво на лажни вести. Истовремено, официјалните податоци ги демантираат сите лаги на лицемерното ВМРО-ДПМНЕ кое со години ги понижуваше земјоделците. Откупот на оризот од реколтата 2018-та е комплетно завршен и според податоците од регистарот на Министерството за земјоделство, шумарство и водостопанство, по повисоки цени од времето на ВМРО-ДПМНЕ, вели СДСМ во своето соопштение.

Во соопштението од СДСМ се вели дека оваа година оризопроизводителите ќе добијат значително поголеми субвенции. Од партијата изјавуваат дека сите барања на производителите на јаболка се прифатени а платежната агенција исплати 5,5 милиони евра субвенции за одржување на овошни насади, меѓу кои и за јаболка. СДСМ, преку Владата и пармалентарното мнозинство што ги предводи продолжува со спроведување на мерките што обезбедуваат развој и унапредување на земјоделството, сигурен пласман, пристап до нови пазари и повеќе пари кај секој земјоделец.

Ви го пренесуваме во целост соопштението од СДСМ, упатено до ВМРО ДПМНЕ !

„Не е точно дека посочената личност била дел од делегацијата на Министерството за земјоделство, шумарство и водостопанство во Чешка. Патувањето е приватно, на сопствен трошок, на саем на којшто учествуваат и други приватни компании од нашата земја. Не се точни ниту тврдењата за наводен проблем со водоснабдување на оризовите полиња.

Како што јавно објави Водостопанство подружница „Брегалница“,водата за наводнување на оризовите површини е пуштена на време и според утврдениот годишен план за наводнување. Толку е очајна ВМРО-ДПМНЕ, што се потпира исклучиво на лажни вести. Истовремено, официјалните податоци ги демантираат сите лаги на лицемерното ВМРО-ДПМНЕ кое со години ги понижуваше земјоделците. Откупот на оризот од реколтата 2018-та е комплетно завршен и според податоците од регистарот на Министерството за земјоделство, шумарство и водостопанство, по повисоки цени од времето на ВМРО-ДПМНЕ.

Конкретно, крупниот бел ориз се откупувал по цена од 45 до 50 денари за килограм , за разлика од реколтата 2017 кога откупната цена била од 35 до 37 денари. Зголемување има и на откупната цена на оризовата арпа која за 2018-та достигнала од 20 -24 денари по килограм, а во реколтата 2017-та цената била од 14 до 18 денари по килограм. Интервентната мерка од 5 денари за килограм предадена оризова арпа којашто кон крајот на минатата година ја донесе Владата предводена од СДСМ, придонесе целото производство на ориз од реколтата 2018-та веќе да биде во целост откупено по повисока откупна цена во споредба со претходните реколти.

А оваа година оризопроизводителите ќе добијат значително поголеми субвенции. Со цел да се покријат загубите што ги имаа производителите на јаболка, се воведе интервентна мерка од 3 денари за предадено индустриско јаболко. Сите барања на производителите на јаболка се прифатени а Платежната агенција исплати 5,5 милиони евра субвенции за одржување на овошни насади, меѓу кои и за јаболка. ВМРО-ДПМНЕ секојдневно докажува дека не нуди ништо, нема никаква идеја, никаква мерка за граѓаните, освен да шири лажни вести, измислици и да конструира непостоечки случаи. СДСМ, преку Владата и пармалентарното мнозинство што ги предводи продолжува со спроведување на мерките што обезбедуваат развој и унапредување на земјоделството, сигурен пласман, пристап до нови пазари и повеќе пари кај секој земјоделец.