На паузата претседателот на СДСМ Заев истакна дека беше потребно мудрост и нерви и дека пред Договорот со Грција Владата ги прифати условите за избор на Државната изборна комисија како и законските измени за техничка влада 100 дена пред избори за пратеници што значи и измени во Законот за Влада како што е договорено во Пржино.

Воедно предлог Измените на Законот за Изборен законик остануваат во мирување бидејќи постигнат е Договор Државната изборна комисија да се гласа по стариот систем со 2/3 мнозинство од парламентот како и Законот за финансирање на политичките партии.

Со тоа според Заев заврши една фаза од разговорите. Во продолжението ќе се разговара за датумот – карактерот и прашањето на Референдумот.

Претседателот на ВМРО – ДПМНЕ – Христијан Мицкоски кратко повтори дека постигнат е Договор за овие три прашања и стави крај на шпекулациите дека од ВМРО – ДПМНЕ побарале на дневен ред да бидат и предлог измени во Законот за Кривичниот законик. Мицкоски посочи дека допрва ќе се разгледува прашањето и формата на Референдумот.

Денешното продолжение на лидерската беше надополнето со низа интерни и внатрепартиски информации и шпекулации па така можеше да се чуе дека СДСМ и ДУИ побараа поддршка од опозиционата ВМРО – ДПМНЕ за престојниот Референдум за кој сеуште сметаат дека треба да биде консултативен по однос на изјаснувањето на електоратот додека пак ВМРО – ДПМНЕ бара усвојување на Законот за финансирање на политичките партии – измени во Законот за Влада како и измени во Кривичниот законик поврзани со амнестијата.

Извори од лидерската средба реферираа дека партиската четворка воопшто не ја разгледала формулацијата и содржината на референдумското прашање при преговорите што и се потврди.

Од партиски извори на власта преговорите бавно се одвивале и поради различните ставови на Заев и Мицкоски. Премиерот неофицијално прифатил да има техничка влада 100 дена пред секои избори за пратеници но побарал ако има измени во Законот за Влада – Мицкоски да даде гаранции за поддршка за успешен Референдум.

Како е истакнато претставниците на ВМРО – ДПМНЕ побарале да се оди по ред со барањата а не да се поврзуваат едно со друго па инсистирале прво да се договорат измените во Законот за Влада па да се продолжат преговорите за Референдумот.