СДСМ 46 мандати, ВМРО-ДПМНЕ 44, ДУИ 16, АА-ААА 12, а Левица и ДПА по 1 пратеник

Според симулацијата на ДИК, Коалицијата предводена од СДСМ „Можеме“ ќе има 46 мандати, Коалицијата предводена од ВМРО-ДПМНЕ 44, ДУИ 16, Алијанса за Албанците 12, а Левица и ДПА по еден мандат.

Фото/Текст извор: ©Тв 21/Магазин.мк

Со пребројани резултати од 99% од избирачките места, симулацијата на Државната изборна комисија за распоредот на пратенички мандати по вчерашните парламентарни избори доживеа и мали промени. ДУИ, која во симулацијата со пребројани резултати од 95% од гласачките места имаше 16 пратеници, сега има 15 мандати а Левица доби еден пратеник, па сега има 2 мандати.

Според првичните неофицијални резултати што ги објави Државната изборна комисија од обработени 3.369 од вкупно 3.480 гласачки места, Коалицијата предводена од СДСМ „Можеме“ освои 302.908 гласови или 35,79%, а Коалицијата предводена од ВМРО-ДПМНЕ 291.809 гласа или 34,48 отсто.

За ДУИ гласале 99.534 или 11,76 отсто, Алијанса за Албанците и Алтернатива 75.194 или 8,89, за Левица 34.282 или 4.05%, за ДПА 13.390 или 1,58 и за Интегра 11.335 или 1,34 отсто, а другите партии и коалиции учесници на изборите имаат под 0,4 отсто

Резултатот на останатите партии останува ист.

Според последната симулација, за која се уште постојат мали шанси да се смени, распоредот на силите во новиот парламент би бил:

СДСМ – 46 пратеника

ВМРО-ДПМНЕ – 44 пратеника

ДУИ – 15 пратеника

АА/А – 12 пратеника

Левица – 2 пратеника

ДПА – 1 пратеник

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.