Пред неколку денови хрватската пејачка Северина Којиќ го изгуби спорот за старателство над синот, со српскиот бизнисмен Милан Поповиќ.
Судството донесе привремена мерка и одлучи малиот Александар да живее со таткото. Северина вели дека првата година Милан воопшто детето не ни го видел.
Хрватската пејачка беше во шок од ваквата одлука и за медиумите истакна дека наводно новинарката Татјана Војтеховски му помагала на нејзиниот поранешен сопруг, бизнисменот Милан Поповиќ за да ѝ го одземе синот на Северина.
Во интервју за Јутарни Лист, пејачката за прв пат прозбори за ситуација со нејзиниот син:
– Очекував се, но ова не. Навистина, се плашев, особено по последното рочиште и исчекувањето на одлуката беше најлошо. Но, сега веќе од ништо не ми е страв.
Во животот доживеав доста работи поради кои сум се срамела, најчесто поради другите, ретко поради себе. Но, тоа е животот и ова исто така е едно големо искушение кое секако ќе го издржав бидејќи на моето дете му требам таква каква што сум, а тоа е добро, здрава и присебна мајка, без оглед на тоа што пишува во пресудата. Тоа се само некои букви и како што Тито рекол: Не го признавам нивниот суд, но ќе го почитувам. Нема друго решение. Од ништо не се плашам – рекла Северина во интервјуто.
– Пред се, јас сум горда на своето дете. Мене не ми треба слава, мене сите ме знаат и тоа подолго од некои други. Јас сум позната, но тоа е поради тоа што го работам она што сакам да го работам. Следниот викенд имам концерт во Арена и мојот син навистина сакаше да биде на тој концерт и се радуваше на тоа кога бевме заедно во Сплит. Таму ќе дојдат многу други деца, но мојот син нема да може – додала пејачката.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.