Многу млади лица се решаваат да заминат од својата земја на печалба во големите европски градови, и секоја приказна е различна. Еден печалбар реши да открие како е да се печали во Хрвастка.

Во Хрватска со важечка дозвола за престој и работа престојуваат 9.722 државјани од Република Србија и тие главно работат градежништво, додека сезонците најмногу се ангажираат во туризмот и угостителството.

-Во моментов во Хрватска работата околу 23.000 странци, што значи дека скоро секој втор е од Србија. Искуствата на странците се добри, нема никакви разлики. Еве да кажеме, Немања од Србија кај нас е веќе скоро два месеци. Дојде како пица мајстор. Како што досега стојат работите, тој може да остане и цела година кај нас во работен однос – изјавил Шиме Јаковлјевиќ, угостител во Водице.

-Да не е добро, јас ќе си заминев со првиот автобус дома. Слушнав разни приказни и не ми беше сеедно. Но, сепак одлучив да дојдам и после два месеци сум задоволен од сите услови – од луѓето, колегите, шефовите, газдите. Проблеми затоа што сум од Србија немам – рекол Немања за хрватските медиуми.

Интересно е што Владата на Хрватска ги стимулираше работодавците па така платите пораснаа за работниците.

Хрватската влада ја стимулираше целата работа така што им овозможи на работодавците да им даваат на вработените неоданочени 1.100 евра, но платите на вработените, со исклучок на ретки туристички работодавци во Хрватска, секогаш биле на последното место по важност и тие биле првите жртви на штедењето.