По синоќешниот хакерски напад на веб- страната на Државната изборна комисија сајтот и агрегаторот Тајм.мк, сега почнаа да функционираат.  

Но она што можеше да се забележи на агрегаторот во текот на изборната вечер, беше  фотографијата со пораката на „Анонимуси“ по хакирањето на агрегаторот.

„Поминаа уште едни ‘демократски избори‘ и како што може да забележиме истата приказна е секои 3-4 години само што овој пат село гори баба на избори оди. Ама што да правиш кога гласачкото тело е еден огромен паразит што гледа само да цица од државна ци*ка додека е заведено од празните ветувања на сите партии во оваа наша прекрасна држава. Попис? Pse Jo? Ама не можеме и нив да ги обвиниме кутрите напатени души гледаат колку за бело, моет,цигари и за белолебче да има да донесат дома“. Новата Влада ветува дека уште неколку џамии ќе се дигнат со цел да се избалансира перењето во МПЦ, оти не било убаво цел куп пари на едно место, оти ако се дупнел зејтинот ќе се лизне низ прсти додека ги бројат стои во дел од пораката од група Анонопсмкд.

Имено вчера во текот на вечерта се огласи и сопственикот на „Тајм.мк“, Игор Трајковски кој истакна дека агрегаторот е цел на напади. Тој посочи дека за вакво нешто мора да се има дадено многу пари и соопшти дека  преку 20 милиони ИП-адреси вршат напади и дека хакерите го купиле целиот „дарк веб“.