Мајка од Охајо која се породи додека беше на респиратор го победи вирусот корона. Меган Сајтс (27) била бремена во седмиот месец со своето второ дете кога на 1 април била префрлена во болницата затоа што имала потешкотии во дишењето, пренесува Мирор.

Тестирањето откри дека е заразена од вирусот корона кој навлегол длабоко во нејзините бели дробови и беше ставена на респиратор. Таа рече дека и сега може да ја почувствува цевката како влегува во душникот. Подоцна била пренесена во друга болница во Дејтон, а како што се подобрила нејзината состојба за кратко време, лекарите го отстраниле респираторот. Но, тогаш се случи ненадејно влошување.

„За 48 часа, мојата состојба се влоши“, изјавила Меган.

Таа дури и не можеше да ги види сопругот Дони, нејзините родители, роднини или пријатели, поради болнички ограничувања заради пандемијата од коронавирусот.

„Имав моменти на распаѓање. Си реков дека ова е тоа, нема да успеам. Сè на моето тело ме болеше, дишењето беше болно, движењата, кашлав непрекинато“, изјави Меган.

Таа побарала од вработените во болницата повторно да ја стават на респираторот, но овој успана. Лекарите му рекле на сопругот на 8 април дека респираторот може да и помогне на Меган за да ја продолжи бременоста до 30-та недела. Сепак, 20 минути подоцна, Дони бил повикан од лекарите да го известат дека белите дробови на Меган откажуваат. Лекарите рекоа дека морале да ја породат следниот ден за да ја спасат.

Меган беше подложена на екстракорпорална мембрана на оксигенација (ECMO)  што според анестезиологот на UC Helt д-р Сузан Бенет е „скоро последна шанса“. Ова значи дека таа била сместена на машина што привремено ги заменува срцето и белите дробови.

Како што објави Мирор,   UC Health никогаш не ставила бремена жена на машина ECMO, но Меган била добар кандидат за тоа.

Кога Меган се разбудила, не се сеќавала дека се породила бидејќи била успана. 

„Оттогаш имав многу халуцинации … но не се сеќавам на самиот третман на ЕКМО“, чудо е што седам овде воопшто да разговарам со вас“, додаде Меган.

После десет дена, Меган конечно можеше да го запознае нејзиниот новороден син Џејмсон, кој сè уште е во болницата. Лекарите велат дека бебето е здраво и нема знаци на инфекција со вирусот и ќе го пуштат да си оди дома за четири до пет недели.