Денешното рочиште за предметот Рекет, на кое требаше да сведочи поранешната специјална обвинителка Лиле Стефанова е одложено за во Четврток. 

Имено адвокатите на екс шефицана на СЈО, Катица Јанева бараа да се одложи денешното рочиште за предметот Рекет, извести ТВ Телма.

Адвокатот Дељо Кадиев бил на болничко лекување до петок, а адвокатката Ирена Фрчковска исто така има влошена здравствена состојба, па поради тоа бараат одложување на неколку дена.

Случајот кој се наоѓа во доказна постапка го води судијката Васка Николовска-Масевска која им порача на Кадиев и Фрчковска најдоцна до утре да достават документација, и истакна дека не е пречка ако Кадиев е во болница, доколку Фрчковска може да доаѓа следните денови. 

Како сведок во судот исказ претходно даде даде и заменичката на поранешната специјална јавна обвинителка Катица Јанева, Елизабета Јосифовска.

Досега исказ дадоа и бизнисменот Орце Камчев, неговата сопруга Ана Камчева, сметководителката во приватните фирми на Камчеви, новинарот Христијан Баневски од телевизија 1ТВ и други.

Основното јавно обвинителство за гонење организиран криминал и корупција во октомври годинава поднесе обвинение против Бојан Јовановски, Катица Јанева и Зоран Милевски.