Шеќерим Ахмеди или во јавноста познат како „бомбашот“ Ел Чека и натаму жестоко ја дрма јавноста во Македонија со неговите бомби кон функционерите од ДУИ, кои по се изгледа им нема крај. 

Премиерот Зоран Заев денеска јавно го повика Ел Чека да ги објави разговорите и од него.

Заев беше дециден дека кога тогаш Ел Чека ќе одговара пред правосудството, бидејќи објавува приватни разговори од лица, кои според премиерот се разговори снимени на незаконски начин, во периодот од минатата извршна власт од 2008 до 2014 година.

Имено, според извори од весникот Лајм, Ел Чека наводно во правосудните органи на Соединетите Американски држави, пријавил дека против него се подготвувал атентат. Како што тврди весникот нарачател на атентатот е висок функционер на ДУИ, кој минатиот месец, неколку дена престојувал во Чикаго.

Изворот вели дека Ел Чека се сомнева дека засегнатиот функционер на ДУИ им дал, или им ветил пари на некои Албанци кои живеат во САД, а кои претходно соработувале со Југословенската УДБА, а сега со тајната служба на Србија и на Македонија, за да извршат атентат врз Ел Чека.

Ел Чека за наредниот петок ги повика граѓаните на протест, а најавата доаѓа по пуштената бомба од 12 минути за случајот Мартин Нешковски, со цел како што порача побрзо отворање на меѓународна истрага за Диво Насеље.