Голема несреќа ги потресе жителите на Њу Џерси, во која најмалку 22 лица се повредени, меѓу кои и три деца,. Несреќата настанала кога една врз друга се срушиле терасите на трикатна куќа.

Се уште не е позната состојбата на повредените но за среќа нема починати.

Веднаш по несреќата повредените биле примени во локалната болница каде им била укажана помош и за сега нема подетални информации за настанатите повреди.

Несреќата се случила во текот на годишната Конвенција на пожарникарите, па се претпоставува дека и тие се меѓу повредените.

Како што изјавија за тамошните медиуми спасувачките служби, луѓето заробени под рушевините брзо биле спасени. Нема детали за тоа дали под рушевините се уште има заробени лица.

Инаку Њу Џерси е сојузна држава од САД. Се наоѓа во североисточниот дел од земјата. Главен град е Трентон, а други поголеми градови се Џерси Сити, Њуарк, Кемден и Атлантик Сити. Во градот и државата живее поголема македонска иселеничка колонија.