Како последица на пожарот кој ја зафати историската „Нотр Дам„ во Париз вечерва се урна и кулата во катедралата.

Голем пожар во 18:50 часот избувна вечерва во најпознатата катедрала во Париз „Нотр Дам„

Портпаролот на катедралата, Андре Фино, потврди дека целата структура на катедралата е во пламен.

Од полициските служби јавуваат да се избегнува овој простор и да се ослободи патот за возилата кој доаѓаат. Ова соопштение е доставено до јавноста бидејќи противпожарната служба и Итната помош мора да интервенираат нормално. Градоначалничката на Париз Ан Идалго на Твитер напиша дека противпожарните екипи се обидуваат да го стават под контрола огнот кои беснее.

„Ужасен пожар е во тек во катедралата Нотр Дам во Париз. Пожарникарите се обидуваат да го стават под контрола огнот. На локално ниво сме мобилизирани и во постојан контакт со црковните власти, напиша на Твитер.

 Од полицијата се уште не изјавуваат која е причината за пожарот, но се претпоставува дека е можно да е поврзано со реновирањето на катедралата.
Претседателот Емануел Мактон требаше да се обрати на јавноста, меѓутоа тој ја откажа прес конференцијата, поради поради за сега непознати причини.

На Твитер се огласи и американскиот претседател Доналд Трамп, кој напиша за гаснењето на пожарот може да се искористат „летечки водени танкери“.
Богородичната црква или Нотр Дам е готска катедрала на источната половина на островот Сите на реката Сена во Париз. Името „Нотр Дам“ на француски значи „Нашата Госпоѓа“ (Богородица или Дева Марија).

Ова е една од најубавите готски катедрали во светот, градена низ целиот готски период. Скулптурите и витражите се одликуваат со големо влијание од натурализмот, за разлика од претходната романска архитектура.