Најмалку девет лица загинаа, а тројца се повредени во пад на мал авион во американската држава Јужна Дакота.

Како што соопштија локалните власти, авионот со 12 патници се урнал веднаш по полетувањето од аеродромот во градот Чемберлен. Авион бил на пат кон Ајдахо Фолс, во државата Ајдахо.

Амриканските медиуми соопштуваат дека во времето на полетувањето на авионот во Чемберлен во сила било предупредување за големо зимско невреме.

Причината за падот на авионот сеуште не е позната, но властите соопштија дека лошото време ќе биде еден од факторите.

Неодамна две лица загинаа во авионска несреќа на Алјаска, кога хидроавион на авиокомпанијата „Такуан Ер”, во кој се наоѓале пилотот и патник, се урна во пристаништето Метлакатла, недалеку од градот Кечикан, во југоисточниот дел на оваа американска сојзуна државата.

Ова беше втора авионска несреќа во Алјаска на летало од „Такуан Ер” во период од една недела.