Голманот на РК Охрид и повремен македонски репрезентативец, Никола Даниловски се удави во Охридското езеро, јавуваат спортските портали.
Безживотното тело на дваесет и шестгодишниот голман Даниловски било пронајдено денеска во водите на Охридското Езеро, а како што информираат од охридската полиција, на телото немало траги од насилство.
Голманот исчезнал синоќа околу 21 часот по тренингот со неговиот клуб, а утрово неговото безживотно тело било пронајдено во водите на Охридското езеро, во близина на туристичката населба Лагадин.
Поради трагичната смрт на младиот голман, денеска е одложен мечот од Суперлигата во ракометната лига на Македонија, меѓу Охрид и Струга.
Никола Даниловски потекнува од школата на Металург. Со македонската младинска репрезентација го оствари најголемиот успех, петто место на Светското младинско првенство во Алжир.
Во својата кратка кариера настапуваше за Металург и Пелистер, пред да се пресели во Охрид. Поради трагичниот настан е одложен натпреварот меѓу Охрид и Струга во рамките на македонската Суперлига.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.