Тројца Американци загинаа кога се урна канадски авион-цистерна, кој помагал во гаснење пожар во Австралија, соопшти Шејн Фиксимонс, комесар на противпожарната служба на Нов Јужен Велс.
Според него, авионот „Херкулес Ц-130“ се урнал еден час по полетувањето од воената база Ричмонд во регионот Сноу Монаро, јужно од главниот град на Канбера.
Причината за несреќата сè уште не е позната, пренесува „Ројтерс“.
» Според првичните извештаи, се чини дека нема преживеани во падот на авионот, кој силно удрил во земјата и експлодирал – рече Фиксимонс.
Состојбата со пожарите во Австралија не се смирува. Бројот на загинати се зголемува, штетите се огромни. Економијата страда – од земјоделството до туризмот. Австралискиот премиер Скот Морисон оцени дека ситуацијата е „шокантна и застрашувачка“.
Дождот и температурите околу 23-от степен им дадоа малку време за здивнување на пожарникарите, но борбата против пламените јазици ни оддалеку не е завршена. Во сојузната држава која е најмногу погодена, Нов Јужен Велс, сѐ уште има околу 100 пожари. Се стравува дека состојбите во петок можеби повторно ќе се влошат поради тоа што се очекуваат температури над 40-от степен.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.