Младата Михаела Јаневска од Скопје е една од првите пациентки кои беа заболени од коронавирус во земјава.Таа се заблагодари на целиот медицински тим кој се грижел за неа и вели била премногу среќна што по два негативни теста за коронавирус, конечно е дома. Михаела посвети и песна на целиот медицински персонал.

Откако се изборив со коронавирусот и ја напуштив болницата со два негативни теста, се чувствувам како најсреќниот човек на светот. Многу сум среќна што сум конечно дома, бидејки своеволно отидов директно од авион во болница. Големо благодарам до сите доктори и медицински сестри кои се грижеа за мене и продолжуваат да се грижат за сите останати. Денеска пеам за сите нив и за сите пациенти кои се се уште во болница. Ова е за вас …

Откако Михаела се огласи на својот Фејсбук и министерот за здравство се заблагодари јавно што таа била совесна и за време на целото патување носела маска и ракавици, а и веднаш самоиницијатвно се пријавила на клиниката за инфективни болести.

Голема благодарност и до тебе Михаела! Благодарам што го препознаваш трудот на здравствените работници и што си одговорна кон своите сограѓани.

Михаела беше меѓу првите пациенти заболени од коронавирусот, а денес таа е целосно опоравена. Сама се пријави на Клиниката за инфективни болести и фебрилни состојби, веднаш по пристигнување на скопскиот аеродром и за време на целото патување носеше заштитна опрема.