Светската здравствена организација (СЗО) вчера соопшти дека државите треба постепено да ги релаксираат мерките за ограничување на меѓународното патување, дека тие одлуки треба да се засноваат на проценка на ризик, а приоритет треба да им се даде на итни случаи.
Патните ограничувања се воведени во многу делови на светот, поради остриот пораст на нови случаи на инфекција со коронавирус, поради што СЗО ги повикува земјите да направат анализи на трошоците и да постават приоритети, пред да продолжат со меѓународните патувања.
Тековната епидемиолошка состојба на локално ниво, националното здравје, како и веќе преземените мерки треба да бидат земени во предвид при донесувањето на одлуки. Од СЗО велат дека секогаш постои ризик од увоз или извоз на нови случаи на Ковид 19 преку меѓународно патување.
Приоритет треба да се даде на итни патувања и случаи, како што се хуманитарни активности, патување на важен персонал и враќање во матичната земја.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.