Земјотрес со интензитет од 7,4 степени според Рихтер регистриран е во јужниот дел на Тихиот океан кај островот Кермадек.

Силниот земјотрес се случи во 10.55 часот по локално време, на длабочина од 34 километри. Овие острови се главно област без население и се наоѓаат на околу 1.000 километри од Нов Зеланд.

Центарот за предупредување од цунами испратил соопштените дека нема опасност од појава на разорни бранови на бреговите на Нов Зеланд и на Хавајските острови.

„Може да се очекуваат невообичаено силни и опасни струи, како и непредвидливи бранови. Тоа би можело да претставува закана за активности на плажите, пристаништата, како и за пловидба на мали бродови“ соопшти Центарот за предупредување за цунами во Пацификот.

Се оценува дека големи бранови од околу 30 сантиметри би можеле да погодат некои острови во јужен Пацифик. Нов Зеланд  е островска држава во југозападниот дел од Тихиот Океан. Државата се состои од два големи и повеќе мали острови. Маорското име за Нов Зеланд е Аотеароа, што често се преведува како „Земја на долгиот бел облак“.

Нов Зеланд е држава со парламентарна демократија и земја членка на Комонвелтот.