Во земјотресот што ја зафати југозападна Кина загина четири лица, а 23 се повредени, објави надлежната кинеска служба.

Земјотресот се случи во понеделникот во 21,47 часот по локално време во провинцијата Јунан, на релативно плитка длабочина од осум километри, според кинескиот центар за земјотреси.

Најмалку една куќа била срушена, а жителите рекоа дека земјотресот траел неколку секунди.

Американскиот геолошки институт ја процени јачината на земјотресот на 4,5 степени според Рихтеровата скала на длабочина од 10 километри.

Различните податоци не се невообичаени и зависат од оддалеченоста на мерната точка.

Земјотресите се вообичаени во погодената област лоцирана на источните падини на Тибетскиот плато.
Најтешкиот земјотрес што ја погоди Кина во последните години беше во планинскиот регион во провинцијата Сечуан северно од Јунан во 2008 година, при што загинаа скоро 90.000 луѓе.