Гордана Силјановска Давкова, која беше кандидат за претседател од ВМРО-ДПМНЕ во Отворено на Алфа ТВ, вечерва изјави дека добила понуда од нашата дијаспора да настапи на изборите самостојно.
Во вечерашната емисија „Отворено„ на Алфа ТВ, Гордана Силјановска Давкова, која беше кандидат за претседател од ВМРО-ДПМНЕ, изјави дека вели дека ова искуство на претседателските избори сепак вредело, бидејќи беше жена кандидат за претседател.
Таа изјави дека според неа изостана институционалната поддршка, но рече дека не бара објаснување од никого.
Таа вели дека според реакциите на луѓето со кои комуницира, нејзиниот политички настап ќе биде вовед во нова политичка култура, затоа што зад неа стојат многу млади луѓе кои ја поддржуваат.
Гордана Силјановска Давкова која беше кандидат за претседател од ВМРО-ДПМНЕ, вели дека таа добила понуда од нашата македонска дијаспора да настапи на изборите самостојно.
„Партиите се главни актери во изборната трка, сами не можете многу да сторите“, рече таа.
Таа вели дека е чудно тоа што верска заедница повика да се излезе на гласање, иако Македонија е секуларна држава.
Гордана Силјановска Давкова рече дека едно општество за сите може да биде само граѓанското општество, и ги отфрли обвинувањата кои ги имаше во кампањата дека била националист.
Давкова е експерт за избори на ООН и потпретседател на групата Независни експерти за локална самоуправа при Советот на Европа. Член на Венецијанската комисија и автор е на стотина научни трудови за уставното право и политичкиот систем.
Била избрана за асистент по предметот политички систем на Правниот факултет во Скопје (1989), за доцент по уставно право и политички систем (1994), а потоа и за редовен професор во 2004.
На конвенцијата на ВМРО-ДПМНЕ која се одржа во Струга, Гордана Силјановска-Давкова била избрана за претседателски кандидат.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.