Во вчерашното гостување во емисијата „Клик плус“ на ТВ 21, професорката Гордана Силјановска Давкова рече дека во неколку наврати кажала јавно дека не верува во тоа дека случајот Рекет е персонална приказна врзана само за Катица Јанева и Бојан 13,

Не верувам во тоа бидејќи не може да функционира тоа на таков начин, рече Гордана Силјановска Давкова.

Не верувам дека туку така некој бизнисмени биле уценувани и не верувам дека само тие се уценувани, дури си мислам и дека можеби уцени имало и за луѓе од естрадата бидејќи такви работи гледавме навредливи. Она што ме шокира е тоа што телевизијата 1ТВ наликуваше на квази суд, таму цело време не бомбардираа во „инсајдер“ дека никој не е допирлив, документи дури и личности споменуваа и сите се прашуваа како може сиве овие материјали да бидат во една телевизија, значи мора да има некоја спрега. Не ми личи мене дека Катица Јанева дека може таков перфектен систем да креира на рекетирање, вели Силјановска.

Професорката истакна дека до последен момент имаше и луѓе од власта вклучувајќи го и премиерот кој ја бранеа Катица Јанева.

-Не заборавајте дека Катица дојде во притвор после убаво поминатиот одмор, додава Силјановска.