Шефицата на ЈО за организиран криминал потврди за Сител дека во текот на вечерва едно лице од осомничените 4 ќе биде изведено пред судија на претходна постапка.

За ова лице е побарана мерка притвор а според сознанијата се работи за потпретседателката на хуманитарниот меѓународен сојуз Јасна Мандиќ- Ерцеговиќ.

За останатите три осомничени лица меѓу кои е висок функционер од редовите на СДСМ се побарани мерки за претпазливост. До сега судот не испратил се уште покани и најверојатно тие ќе бидат повикани од утре да се јават кај судија на претходнапостапка.

Обвинителката Вилма Рускоска се уште не е пристигната во судот ниту лицето за кое е побарано притвор за новата истрага поврзана со сучајот Рекет.

За потсетување, вчера Бојан Јовановски требаше за прв пат да даде исказ пред судиката Вилма Русковска, но ненадејно му се слоши па мораше Брзата помош да интервенира во судот. Со носилки првоосомничениот во Рекет Бојан ЈОваноски беше пренесен во болницата.

Сашо Дукосики рече дека Боки 13 во тоалетот во Обвинителството почнал да повраќа, му се слошило и се онесвестил.

„Непријатна сцена беше. Не случајно досега бил најмалку 20 пати во болница. Тој не даде исказ. Повраќаше во тоалетот и потоа колабираше. Многу лоша и грда сцена“, рече Дуковски пред Обвинителството.

Според Обвинителството, Бојан Јовановски, преку тргување со влијание издејствувал преку поранешната специјална обвинителка Катица Јанева, ослободување од притвор на осомничениот бизнисмен Орце Камчев во предметот „Империја“ и можност за спогодба.

Јанева е третоосомничена во предметот „Рекет” за злоупотреба на службена положба и овластувања. Јовановски, заедно со Зоран Милески – Кичеец, се осомничени за примање награда за противзаконито влијание, а Јовановски и за перење пари.

Рокот за поднесување обвинение по случајот истекува утре.