Скопското основно училиште „Исмаил Ќемали“ завиено во црно. Пет ученици загинаа во страшната сообраќајка во Бугарија. Сите петмина се во роднинска врска, пишува Сител!

Вкупно 12 члена од ова семејство ги загубија животите во несреќата враќајќи се од кобното патување во Истанбул.

– Најмалото од петте деца кои учеле во Основното училиште „Исмаил Ќемали“ одело во второ одделение. Едно било шесто, едно осмо, а другите две биле деветто одделение.

Директорката на училиштето не сакаше да зборува пред камерите.

Учениците од прва смена порано беа пуштени дома поради трагедијата, а според информации на Сител, наставата од втора смена се одвива нормално.

Семејството кое загуби 12 членови се сопственици на угостителски објект во старата скопска чаршија. Ресторанот денеска е затворен. На улицата каде се наоѓа објектот денеска можеше да се почувствува тага. Вработените во околината не сакаа да зборуваат пред камерата на Сител, но велат дека тешка трагедија го погодила и семејството, но и сите околни дуќани бидејќи тие секојдневно се среќавале нив.

Членовите на семејството кои не отишле на кобното патување во Истанбул денеска се во семејната куќа во скопски Чаир кадешто си ја олеснуваат болката заедно со најблиските, објави Сител!