Продажбата на огнено оружје во САД рапидно расте во момент на ширење на инфекцијата со новиот коронавирус, јави американскиот телевизиски канал Еј-Би-Си.

Според каналот, приходите од една од најголемите американски продавници за оружје, ammo.com, се зголемиле за 309 отсто во февруари, и со порачки преку интернет зголемени за 222 отсто, пишува ММC.

Во изјава на претставници на продавниците таквата ситуацијата е „без преседан“. Експертите ја припишуваат зголемената побарувачка за огнено оружје на фактот дека заради коронавирусот и почитувањето на правилата утврдени од надлежните, полицијата ги насочи сите свои ресурси за борба со епидемијата.

Ова доведе до драматично намалување на контрамерките и разни видови проверки на населението. Службениците во полициските станици само одговараат на итни повици, а помали инциденти се обработуваат преку телефон.

САД го засилуваат своето лидерско место во глобалната трговија со оружје. Германија е на четвртото место по извоз на оружје. Најголем дел од оружјето завршува во кризниот регион на Блискиот Исток – извештај на СИПРИ.

Ниту една земја не извезува толку многу воена опрема како САД. Ниту една земја не купува толку многу оружје како Саудиска Арабија. Ова се само две бројки од новиот извештај на Стокхолмскиот мировен институт, СИПРИ.