Дел од содржината на записникот од сведочењето на бизнисменот Јордан Камчев, кој го објави порталот „Инфомакс“ а потоа го презедоа повеќе медиуми, „ниту ги има во записникот, ниту пак произлегуваат од содржината на записникот“ тврди за Алсат добро упатен извор од јавното обвинителство.

Ставот е директен одговор на прашањето- дали се точни наводите дека во записникот од сведочењето на Камчев се инкриминира и премиерот Зоран Заев и други политичари, како што објавија дел медиумите, а што не може да се види од единствената страница која е објавена од записникот.

Алсат дознава и дека обвинителството веќе има некои сознанија од каде потекнува објавената копија, бидејќи „тој спис бил залепен на предмет“, што може да го донесе обвинителството до факт од каде е копиран или преснимен записникот.

Во исказот на Орце Камчев во обвинителство што вчера го објавува порталот Инфомакс.мк ја откри целата виcтинa за случајот „Рекет“.

Во исказот Камчев посочи многу имиња и настани кои освен што се шокирачки за јавноста ќе предизвикаат немир кај голем дел од луѓето чии имиња и претходно беа индицирани како дел од аферата.

Исказот открива и дек голем дел од исказите за случајот од највисоките функционери биле лажни или извитоперувани.