Еден пациент починал на универзитетската клиника Кеплер во Линц поради непрофесионално однесување на главниот лекар, кој ја напуштил операцијата затоа што имал состанок во приватна канцеларија, пишува дневниот весник “Oberesterajhiše Nahrihten”.

За време на операцијата лекарот, кој го водел хируршкиот тим, му ја предал интервенцијата на колега во текот на критичната фаза и ја напуштил болницата.

Откако главниот лекар ја напуштил болницата, се појавиле компликации и пациентот починал.

За време на операцијата, Маж (77), кој со хеликоптер бил пренесен во болницата поради напрсната аорта, починал на среде операцијата.

Шефот на одделот за коронарна хирургија, Андреас Цирер, изјави дека не е вообичаено хируршка интервенција да се предаде на лекар-асистент за време на операцијата.

Тој најави дека ќе бидат проверени деталните околности на тоа предавање. Сепак, тој посочи дека стапката на смртност во вакви постапки е многу висока и изнесува од 15 до 20 проценти.

Директорот на болницата, Фердинанд Валденгер, посочи дека ќе се спроведе истрага и дека хирургот е суспендиран сè додека не се реши ситуацијата. Тој додаде дека во моментов нема индикации за професионална грешка.