Голем скандал ги запали социлајлните мрежи откако беше објавено видео на кое се гледаат швајцарски војници кои пејат албански песни.

Видеото кое кружи на социјалните мрежи во Швајцарија, се претвори во своевиден скандал.

Имено станува збор за видео на кое се гледа како за време на возење со автомобил, неколку швајцарски војници ја пеат албанската песна „Џамадани вија вија“, што според медиумите во Швајцарија е неофицијална химна на Албанците, пренесува Индексонлајн.

„Песната е за единство меѓу Албанија и Косово. Соединети со елекот, Џамадан. Песната е неофицијална химна на Албанците “, пишува весникот Blick.

Швајцарската армија започнала истрага за ова видео, а портпаролот на армијата Даниел Реист изјавил дека истрагата започнала, но сè уште нема информации за објавувањето на видеото.