Како што пишува А1он сите закажани термини за прегледи во Клиничкиот центар „Мајка Тереза“ за 7-ми мај се откажани.
Оваа скандалозна одлука е донесена од страна на Министерството за здравство, а исто така ја потврдуваат и од „Мој термин“. Како причина за откажаните термини за прегледи во Клиничкиот центар, се наведува посетата на папата Франциск во Скопје, пишува А1он.
„Прегледите за на 7 мај се откажуваат. Ова е поради посетата на Папата и почитување на протоколот“, велат од „Мој термин“ за „А1он“.
Од „Мој Термин„ известуваат дека очекуваат официјално известување од министерот за здравство, а потоа ќе ги информираат пациентите, чии термини се откажани на 7- мај во Клиничкиот центар „Мајка Тереза„
Скопје интензивно брзо се подготвува за историската посета на папата Франциск, кој на 7 мај ќе пристигне во Скопје. На недоградените објекти од „Скопје 2014“ веќе се поставија бели платна. Работниците од град Скопје, на плоштадот секојдневно работат на поставување на бината, од која што папата во вторник ќе држи литургија за присутните. Просторот е ограден со бели огради.
Ова е прва историска посета на папата Франциск во Република Македонија.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.