Следува шокантен разговор меѓу тројца високи државни функционери за тендер финансиран од Европската Банка за Обнова и Развој (EBRD) кој тргнувајќи од јавниот интерес е објавен во транскрипт и аудио форма без никакви промени, онака како што е доставен од свиркачи, пишува https://expres.mk

Во разговорот кој следува ќе забележите сами дека има потврда за неколку прекршување на законот, расистички испади но и дискриминација на цели европски нации од страна на генералниот секретар на Владата Драги Рашкоски.

Драги Рашкоски според законот нема никакви ингеренции да зборува или да одлучува за тендери на Акционерското друштво М НАВ. Другиот член на групата е близок роднина на министерка во владата на Заев.

Иако датумот за тендерот изминал за 3 дена и соговорниците го истакнуваат тоа во разговорот тие свесни дека го кршат законот сепак проектот го доделуваат на италијанската фирма. Разговорот за кој свиркачот или свиркачите имаат подготвено и англиска транскрипција на самото видео е објавен на за мене непозната социјална мрежа најверојатно руска.

Пред вас е видео со аудио разговор и интегрален транскрипт без интервенции од кој се откриваат сериозни индиции за криминал во највисоките кругови на Владата:

1. 18 октомври 2018 година Генералниот секретар на Македонската Влада Драги Рашкоски заедно со претседателот на управниот одбор на М Нав Николче Тасески и шефот на кабинет на министерот за транспорт Митко Тајчулески договараат понуда за јавна набавка за нов АТМ систем за контрола на летање од италијанската компанија Леонардо.

Вкупната сума на набавката е 7 милиони евра, финансирани од ЕБРД. Иако знаат дека компанијата не ги исполнува целосните критериуми тие ја добиваат набавката.

2.Драги Рашковски е близок соработник на премиерот Зоран Заев. Тие се познаваат од родниот град Струмица. Македонската јавност претходно, беше сведок на постоењето на судир на интереси кај Рашкоски. Не е јасно како тој се направи себе си одговорен за насистем потребен на контролата за летање за аеродромот во Скопје.

3.Генералниот секретар-
Ќе ги решаваме внатрешните проблеми друг пат. Сега да се посветиме на луѓето кои доаѓаатт.

Претседател на одбор на М Нав-

Прво, да се припремиме за спорните работи за кои дискутиравме претходно. Дали воопшто нешто да се спомнува пред Италјаните. Прво за бирото за судско вештачење, дали е отпочната постапката, мислам дека тоа не треба да се споменува.

Генерален секретар-

Не ги интересира таа работа. Добивме некоја процена но таа процена беше само на градежниот дел. Беше околу 600 000 евра само градежниот дел. Али тука е и опремата, така да според мене, кој што правел и како правел, зошто чекаме за една процена 3 месеци, и после 3 месеци ни викаат…. да не ја чекаме воопшто таа процена зошто ќе се испостави дека таа е понудата плус минус 10-15 посто што реално и некој треба да заработи на тоа.

4. Претседател на МНАФ

Друга работа што мора да се измени, имаме заклучок на 63 седница на влада. Имаме одлука со која ни се укажува за да ретендерираме.

Генерален секретар-

Ќе запишеме. Во владин заклучок ќќе кажеме дека тоа престанува да важи и готово.

Претседател на М НАФ

Во ред, одлично, тоа да го земеме во предвид.

Генерален секретар

Да

5. Претседател на бордот

Се што треба да побарам од нив е владиноста на тендерот бидејќи еве ја валидноста, е до 15 ти откомври. Банкарската гаранција им е добра. Меѓутоа валидноста на тендерот им е до 15 октомври.

Генерален секретар

Им побаравме ли продолжување?

Претседател на бордот

Да им побаравме и добивме на 26 ти јули. Еве ја.

Генерален секретар

15 октомври. Која дата е денес

Соговорник

18 октомври

Генерален Секретар Значи датата измина.

Соговорник

Да истече

6.Претседател на бордот

Треба ние да пратиме информација дека Леонардо добива или би требало да биде избрана со одлука на управниот одбор. Ќе испратам информација до нив, а праќам паралелно до Шпанците Индра, дека не се избрани. Имаат право на жалба но тоа не го одложува потпишувањето на договорот. Меѓутоа тука банката е веќе инволвирана(ЕБРД) после тоа праќање, пред тоа праќање они мора да дадат оли оди, или не оди одлука.

Генерален секретар

А мислам дека и на банката и е веќе смачено така да…

Претседател на бордот

Они едва чекаат ние да донесеме одлука и да ставиме некои реоови.

Генерален секретар

Така да на наша страна се.

Претседател на бордот

да

7. Генерален секретар

Со италијани лесно се договараш тешко исполнуваш, со Германците е обратно тешко се договараш, после лесно исполнуваш. Со италијаните ќе биде нема проблем, ама…исто како балканци. ЦИГАНИ

8. Генерален секретар

Државата им била исто 38 посто сопственик на компанијата. Амбасадорот дојде кај мене и рече 38 посто од компанијата (леонардо) е сопственик државата. Но и тие (Италија) се еби ветар држава.

9. Генерален секретар

Ти викам италијани може да каснат. Се може со нив. Исто се како балканците.

Претседател на бордот

Сега бев во Малта. значи они имаат последни купено од Леонардо систем. Односно тие го декларирале како наградба за да не прават јавна набавка во Малта.

Генерален секретар

И тие преваранти.

Претседател на бордот

И тој систем е многу сличен со нашиот. Треба да го купиме. Имаме некој вишок. Извршниот директор ми вика: Ник една работа да запамтиш нема комисија да потпишеш додека не е се одстрането. Затоа што а потпишам нема они ни да дојдат. Се со нота реагирале со италијанската амбасада, се бунеле за сериозен пропуст во инсталацијата.

10.Генерален секретар

Кои беа другите: Талес, беа французи и Индра беа од Шпанија, така? Исто ќе имаш проблеми и со нив. Значи сите кои се под екваторот се е ебиветар. Тоа е од климата, и викаш топло е, ќе се заебе работата што и да е ќе порасне дрвото ќе јадеме. А таму Норвешка мора правила бате. Имаш зима минус 5, 10, 15 што ќе јадат, зима е.

11.Генерален секретар

Најпрво добредојдвовте, мислам дека сите збориме англиски. Имаме неколку теми за денес. АТМ системот, и целокупната процедура за јавна набавка со ЕБРД и М НАФ, Втората работа е одржувањето, третата работа е апгрејдот на виртуелизацијата на системот, и четврто е понудата за резервните делови што ја пративте пред неколку дена.

Според првата точка АТМ системот, како што знаете Леонардо е најдобрата, победничка компанија која ќе победи на тендерот и некако ние сме заглавени во проецедурата. Не бараме чива е одговорноста и сега ќе се обидеме да најдеме начин да го решиме проблемот и да ги придвижиме работите напред.

Генерален секретар

Колку што знам мораме да пратиме писмо до ЕБРД и да им соопштиме дека Леонардо е компанијата која е прво квалификувана на надавањето и мораме да пратиме писмо на втората компанија Индра за да бидат информирани дека вие го добивте тендерот.

После овие техникалии прашањето кое мора да се реши, вие мора да го продолжете рокот на траење од понудата, мислам направивте едно продолжување досега, беше до 15 октомври и сега 3 месеци, но мислам дека подобро е продолжувањето да биде 6 месеци за да можете да ја завршите целата процедура.

Претседателот на Бордот:

Според последната документација, рокот за валидација на тендерот е до 15-ти октомври, а банкарската гаранција е активна до крајот на годината. Така што ние можеме да ви испратиме барање за продолжување на рокот за валидација на тендерот.

Претставниците на Леонардо: До која дата? Истата, 15-ти декември.

Претседателот на бордот: генералниот секретар спомена 6 месеци

Претставниците на Леонардо: Мора да се погрижите само едно нешто, според правилата во државата, банкарската гаранција мора да биде валидна 28 денови, по валидацијата на тендерот. Така што ако сакате да ја сочувате тендерската гаранција, мора ја продолжиме за еден месец до крајот на ноември, ако ви е потребно повеќе време јас би сакал да ве информирам дека мораме да одиме повторно во банката и да побараме продолжување на банкарската гаранција.

Претседателот на бордот: Зошто ви е потребно со оглед на тоа што гаранцијата важи до крајот на оваа година?

Претставници на Леонардо: А добро , што ви е потребно кога споменавте 6 месеци, што мислите?

Генералниот секретар: Валидноста на понудата.

Претставник на министерството за транспорт и врски: Треба да биде поврзана со гаранција за да биде 6 месеци и дополнителни 28 дена.

Претставник на Леонардо: Во ред, до која дата сакате да пролонгираме, финална дата?

Претседателот на бордот: За нас мислам дека ќе биде доволно до крајот на годинава.

Претставник на Леонардо: Ако сакаме да ја задржиме истата банкарска гаранција треба да пролонгираме до крајот на ноември. Ако стои валидноста на понудата до крајот на декември, ние мораме да побараме банкарската гаранција да се продолжи за дополнителни три месеци.

Претседателот на бордот: Причината за ова е бидејќи имаме некои проблеми со ЕБРД со сумата за осигурување, поради тоа јас мислам дека е подобро господинот Митко, Митко трајчулевски од министерството за транспорт да објасни што е проблемот со ним кој е веќе решен.

Претставник на Леонардо: Ако заврши зделката на време до крајот на ноември, јас предлагам дека е подобро за сите да ја сочуваме истата банкарска гаранција бидејќи инаку ќе мораме да чекаме неколку месеци да добиеме нова банкараска гаранција. Ако навреме се заврши се во ноември би било повеќе временски ефикасно се да завршиме, но до вас е.

Претседателот на бордот: Во ред значи за да биде по ефикасни да прифатиме до крајот на ноември, ок.

Претставник на Леонардо: Во, не ја пипаме банкарската гаранција.

Претседателот на бордот: И во тој временски период, ние мораме да го решиме проблемот.

Претставник на министерот за транспорт и врски: ЕБРД и МНАВ испратија иницијатива до министерството за транспорт и врски за амандманот за законот за воздухопловство во врска со висината на висината на осигурувањето поврзано со МНАВ. Така што на барање на ЕБРД, според нивните калкулации се претпоставува дека според бројот на летови во моментов, осигурувањето треба да биде од 150 до 500 милиони. Така што МНАВ има осигурување во вредност од 150 милиони. За да го решиме овој проблем ние поднесовме амандман на законот за авијација во Владата со цел да МНАВ бара осигурување од 150 милиони и ако е потребно, остатокот од осигурувањето да биде покриено од власта. Така што ќе биде според праксата која се користи во Словенија и Хрватска. Вчера разговарав со директорот на банката тука во Скопје, од ЕБРД, за да ги чујам неговите размислувања и да ги слушнам неговите барања, мислам дека најдов решение за ова.

Тие бараат некои рокови, но во моментов не можеме да си дозволиме рокови со оглед на ситуацијата, политичката ситуација, исто така зависи не само од Владата туку и од парламентот, така што мислам дека разбираат и конечно таа ми кажа дека иницијативата и текстот на амандманот на законот ќе бидат доволни за тие да разберат дека проблемот ќе биде решен за да не се одложува. И таа исто така ја потенцира загриженоста во врска со одложувањата поврзани со овој проект. Така што јас мислам дека проблемот ќе биде решен како што дискутиравме вчера, мислам ќе биде ок. Тие го поврзуваат осигурувањето со исплата подоцна, така што мислам ќе биде ок.

Претседателот на бордот: Бидејќи сеа сме заглавени, сите исплати се замрзнати. Не само за овој проект, туку и за новиот АТМ(веројатно банкомат?) систем , исто така и за остатокот на проектот.

Претставникот на Леонардо: Значи, само јас да разберам кои се чекорите. Бидејќи проблемот е решено, така што решавањето на проблемот ќе дозволи вие да испратите писмо со (договорот?) награда до ЕБРД и после тоа писмо со (договорот?) награда до Леонардо, ова е процедурата?

Генерален секретар: Да.

Претставник на Леонардо: Ќе биде потребен потпис на договорот.

Генерален секретар: Да.

Претседателот на бордот: Се надевам дека до крајот на ноември ќе имаме доволно време за да го решиме проблемот.

Претставник на Леонардо: Ова е моето прашање? Дали ќе треба да не побарате за да се состанеме на преговори за да расчистиме некои работи? Во писмото со (договорот?) наградата, ќе биде споменато.

Претседателот на бордот: Ние споменавме нешто, но не е тука проектниот менаџер, но спомена нешто дека ќе треба некои работи да се расчистат пред да продолжиме.

Претставник на на Леонардо: Но ќе имаме состанок лице во лице, ох се работи за формален состанок, така.

Генерален Секретар: Јас им реков дека е лесно да се преговара со Италијанците , но е тешко да се исполни (се смее) поинаку е кога преговараш со Германци ( се смее), така што ајде да се однесуваме ко Германци ( се смее).

Претставник на Леонардо: Апсолутно, апсолутно.

Генералниот секретар: Ок

Генералниот секретар: Ви благодарам госпорад, Сењорас и Сењорес ( говори шпански пред Италијанци). Нема жени тука, авијацијата е машка работа. Ок ви благодарам уште еднаш многу.

Претставниците на Леонардо: Ви благодарам за вашето време, и ви благодарам за гостопримливоста.

Магазин се оградува од содржината на објавениот материјал. Како портал го пренесуваме материјалот за информирање претходно објавен јавен интетес. *Напомена: Магазин не одговара во однос на вистинитоста на материјалот, нема информација за времето кога тој е снимен, ниту содржината.