Како што се шират неофицијални информации по социјалните мрежи, знамето со Сонцето од Кутлеш вечерва било забрането на ракометните трибини на натпреварот помеѓу Македонија и Исланд.

По социјалните мрежи вечерва се шират коментари дека на ракометниот натпревар помеѓу Македонија и Исланд, обезбедувањето не дозволувало внесување на знамето со Сонцето од Кутлеш, кое е македонски вековен симбол и национално знаме на Македонците низ целиот свет.

Твитерџиите коментираат дека oбeзбедyвaњeтo не им дозволувало на македонските навивачи кои го носеле знамето да влезат во салата на кој се одржуваше натпреварот.

Во периодот од 1992 до 1995 година, како симбол за знамето се употребувала ѕвездата од Кутлеш, што довело до масовни протести во Грција, поради наводните „ексклузивни права“ на користење на симболот од грчка страна. Првиот предлог за знаме на Македонија, односно Ѕвездата од Кутлеш, била поднесена до собранието од Тодор Петров на 6 август 1992 година.

Денес ова знаме е македонско национално знаме и го користат македонските заедници и организации во Македонија, соседните држави и странство.