Поранешната манекенка Ејми Дорис тврди дека била сексуално злоставувана од американскиот претседател Доналд Трамп во 1997 година.

Според она што таа го изјави, наводниот инцидент се случил за време на УС Опен во 1997 година, а Дорис тврди дека Трамп ја допирал и ја бакнал.

Сè, наводно, се случило пред тоалетот во ВИП-куќата на Трамп во Њујорк.

Тогаш Дорис имала 24 години, а сега тврди дека Трамп ја држел цврсто за да не може да избега. Таа рече дека наводно тој го турнал јазикот во нејзиното грло, притискајќи ја за да не може да се движи и „ ја допирал по целото тело“.

“Тој едноставно го турна јазикот во моето грло, а јас се обидував да го оттурнам. Потоа, неговиот стисок стана посилен, а рацете почнаа да се движан  над целиот задник, градите, грбот, целото тело. Бев стиснатаи не можев да побегнам “, рече таа.

Трамп ги негираше сите обвинувања преку неговите адвокати.

Дорис сега живее на Флорида, а нејзините тврдења ги потврдуваат луѓето на кои им се доверила на инцидентот, вклучително и нејзината мајка и пријателка која ја повикала по инцидентот.

Ејми Дорис денес има 48 години и е мајка на две ќерки. Таа призна дека помина неколку дена со Трамп во септември 1997 година, кога беше со нејзиното тогашно момче Џејсон Бин на продолжен викенд во Њујорк.

A former model Amy Dorris has come forward to accuse @realDonaldTrump of sexually assaulting her at the US Open tennis tournament more than two decades ago, in an alleged incident that left her feeling “sick” and “violated”, told @guardian #Trump pic.twitter.com/P19Iw8uuFQ

— The Chennai Express (@TheChennaiExpre) September 17, 2020

Дорис исто така рече дека сериозно размислувала јавно да зборува за сè во 2016 година, кога другите жени излегоа во јавноста со тврдења дека биле сексуално малтретирани од републиканскиот кандидат за претседател на САД, но дека тоа не го сторила затоа што се плашела за безбедноста на своето семејство, односно за двете ќерки близначки.

„Како и да е, тие сега имаат 13 години и се доволно зрели што треба да знаат дека не смеат да дозволуваат никому да прави ништо што не му е дозволено, особено нешто што е несоодветно“, изјави таа за Гардијан Ејми.