Со повеќе активности денеска ќе биде одбележан 13 Ноември – Денот на ослободувањето на Скопје.

Градоначалникот на главниот град Петре Шилегов денеска во 10 часот имаше средба со претставници на Градскиот одбор на Сојузот на борците од НОАВМ, по повод одбележувањето на 13 Ноември – Денот на ослободувањето на Скопје. 

Потоа на Партизанските гробишта во Бутел делегација на Град Скопје ќе положи цвеќе пред Споменикот на ослободителите на Скопје . 

Од таму делегацијата ќе се упати во посета на Алеата на заслужните граѓани, на гробот на генерал Михајло Апостолски во Бутел

Според програмата објавена на официјалната страна на град Скопје во 14 часот во Градскиот трговски центар ќе биде отворена нова галерија.

Настаните за чествување на Денот на ослободувањето на Скопје ќе продолжат вечер во 20 часот, каде што свечено ќе бидат доделени наградите „13 Ноември“ на Град Скопје за 2019 година.

На 13 ноември пред 944 година Скопје беше ослободено од борците од 42-та и 50-та Народноослободителна дивизија на македонската војска и 16-та Македонска бригада го ослободија Скопје од фашистичката окупација.

По неколкудневни тешки борби со припадниците на 22-та гренадирска германска дивизија, составена од 47-от и 65-от полк и делови од 11-та воздухопловна десантна дивизија, како и со германската тврдинска бригада „Ангермилер“ која беше распоредена пред Качаничката клисура, борците со победоносен марш влегоа во градот.