Дојде есента, со тоа и заладувањето а со него под рака иде и затоплувањето на домовите. Па како и секоја година така и оваа повторно е актуелна темата за енормната загаденост. Така утринава загаденоста на воздухот во Македонија е на алармантно високо ниво.

Не е ни изненадувачки фактот што Скопје денеска се најде на трета позиција на ранг листата на најзагадени градови во светот.

Ваквата слика е веќе со денови, а сезоната само што започна.  Македонија има неколку градови кои се наошаат на оваа листа на најзагадени во светот.

Граѓаните се плашат дека ова е само почеток, како ќе се намалуваат температурите така загаденоста ќе се зголемува.

Граѓаните се гушат и апелираат до власта да започне со преземање на мерки со кои ќе се спречи загадувањето.

Социјалните мрежи се преплавени со апел до власта дека крајно време е да се разбуди, за да не биде како минатата година кога граѓаните се гушеа во загадениот воздух, а надлежните си ја префрлаа одговорноста од институција на институција.

Инаку, со намалувањето на температурите, се очекува и загаденоста да биде зголемена.

Македонија има огромни проблеми со загаденоста, особено во градовите Битола, Тетово, Скопје, Куманово, но загаденост е присутна и во другите градови.

Инаку пред неколку дена излегоа и официјалните податоци од СЗО, каде се наведува дека во светот годишно од загадениот воздух умираат 8,8 милиони луѓе, додека од пушењето умираат 7,2 милиони. Во Европа, од загадениот воздух умираат околу 790 000 лица годишно.

Во Источна Европа, според СЗО, ситуацијата е посебно алармантна во Бугарија, Романија, Украина и Хрватска.

Македонија не е на оваа листа на СЗО.