СЛЕДУВА СТАБИЛИЗАЦИЈА НА ВРЕМЕТО- Денеска сончево и ветровито!

Во Скопје и околината времето ќе биде сончево со умерена локална облачност. Ќе дува умерен до засилен ветер од северен правец. Максималната дневна температура се очекува да се искачи до околу 19 степени.

Фото/Текст извор: ©фокус.мк

До крајот на денов времето во нашата држава ќе биде сончево и ветровито со умерена локална облачност. Ќе дува умерен до засилен ветер од северен правец, најизразен долж Повардарието и на истокот каде повремено ќе достигнува брзина од над 65 км/час. Максималните дневни температури на воздухот ќе се искачуваат во интервалот од 14 до 23 степени.

Потоа во следните денови ќе имаме стабилно, суво и се потопло време со постепен пораст на температурите на воздухот. Позначителен пораст на истите ќе има за време на викендот, и особено на почетокот на следната недела кога во најтоплите предели температурите на воздухот се очекува да се искачат до околу 30 степени.

Подготви за Фокус: Славчо Попоски

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.