Словенија играше за мала нијанса подобар фудбал од нашата репрезентација во првото полувреме, имаше дури седум шанси, од кои беа четири во рамките на голот на Столе Димитриевски, а една од нив ја затресе неговата мрежа.

Домаќините во Словенија имаа одличен контранапад преку Шпорар, кој одлично ја нафрли топката до Зајц, кој погоди за водство од 1-0.

Во завршетокот од првите 45 минути, Енис Барди доби одлична топка, по што имаше добра шанса, но неговиот удар заврши над голот на Јан Облак.

Во второто полувреме Барди се искупи за промашувањето, па во 47. минута успеа да ја затресе мрежата.

Во продолжение од мечот имаше уште неколку шанси на двете страни, но мрежите останаа да мируваат и Македонија го запиша и првото реми во квалификациите.

Поради повреда на воведниот натпревар на новиот квалификациски циклус во четвртокот против Летонија од списокот за настап испадна Ферхан Хасани, а селекторот Игор Ангеловски не се реши на негово место да повика друг играч. 

Репрезентацијата на Македонија денеска предпладне го одржа и официјалниот тренинг на стадионот Стожице, но вечерашниот натпревар заврши со изедначување од 1:1 против Словенија, со што се играше вториот натпревар од новите квалификации за ЕП 2020.