Словенечката криминалистичка полиција доби извештаи за закани до вработените кои ја советуваа владата во врска со Ковид-19 и им обезбеди полициска заштита, соопшти полицијата.

Во изјавата објавена доцна синоќа, полицијата не прецизираше колку советници добиле заканувачки писма, ниту какви мерки биле воведени за нивна заштита, објави СТА.

Генералното полициско одделение објави дека вработените добиле писма со закани по живот и безбедност до нивните домашни адреси.

Писмата се запленети и покрената кривична постапка.

Во последните 24 часа, потврдено е присуство на коронавирус кај уште 2.429 лица во Словенија, што е трет рекорден дневен број на новоинфицирани лица.

Во последните 24 часа починале уште 57 пациенти или вкупно 1.547, објави агенцијата СТА. Бројот на моментално хоспитализирани е 1.285.

Од почетокот на пандемијата во Словенија, потврдени се вкупно 79.535 случаи на ковида-19.