Проф. Д-р Андреја Трампзу е еден од најпознатите европски инфектолози во Европа. Таа е по потекло од Словенија и долго време работи во Берлин во болницата Карит.

– Маската може да се носи до три часа. По ова време, станува влажна, затоа после е неефикасна во заштитата – објаснува д-р Трампуз.

Д-р Предраг Кон, епидемиолог и член на експертскиот тим за борба против вирусот корона, објасни вчера за „ена.рс“ и кога всушност треба да се користат маски.

Маските треба да ги носат сите оние кои имаат проблеми со дишењето, без оглед дали се поврзани со вирус на корона или друга болест. Здравите луѓе без симптоми на инфекција не треба да ги носат на отворено.

Тие се препорачуваат само при влегување во затворено, како што се транспорт и здравствени установи – вели д-р Кон.

Веќе неколку денови во Македонија ги нема обичните заштитни маски, како ни оние со филтер, за употреба од 72 или 120 часови.

Вторите, кои претходно се продавале од 120 до 130 денари, сега чинат 300 денари, но тешко се наоѓаат. Од аптеките велат дека се нарачани нови количини, со оглед на големата побарувачка. Епидемиолозите објаснуваат дека маските не можат да обезбедат превенција од коронавирусот, а истото вчера го повтори и министерот за здравство, Венко Филипче.