Владата на затворена седница, одлучила поскапувањето да не биде повеќе од 10%, но призна дека Електрани барале многу повеќе. По која цена ЕСМ ќе ја продава струјата на ЕВН Хоум официјално ќе се знае утре, кога и истекува тендерот на Универзалниот снабдувач.

„Согласно сите проекции, зголемување над 10% нема да има, се отфрлаат сите анализи, сите видувања и од експерти во областа на енергетиката и од политички партии, дека зголемувањето ќе биде 30, 40 па и 50%. Да вистина дека енергетските компании побараа поголемо покачување може и 100%. / Но, ние како одговорна влада, како економски тим, најдовме начин да им излеземе во пресрет на граѓаните и цената нема да се зголемува над 10%.“ изјави Крешник Бектеши, министер за економија.

Бектеши тврди дека со зголемено домашно производство државата ќе се справи со енергетската криза и граѓаните нема да почуствуваат големи ценовни шокови. Сепак, во јавноста излегоа информации и дека е можно укинување на дневната евтина тарифа за домаќинствата, а од надлежните изминативе денови веќе стигнаа најави дека се подготвуваат субвенции за ранливите категории граѓани.