Снежна бура и силни ветрови ги погодија северна и западна Германија денес, што предизвика прекин на железничкиот сообраќај, а се случија 222 сообраќајни несреќи во кои беа повредени 28 лица, од кои две потешко, објави германската полиција.
Германската метеоролошка служба ДВД апелираше до граѓаните да останат дома, а властите им помагаа на бездомниците засолнувајќи ги во топлите засолништа, пренесе АП.
Раководството на железничкиот превозник „Дојче Бан“ објави дека се затворени главните железнички линии меѓу Хамбург, Хановер и Берлин, како и оние на запад, бидејќи снегот се натрупувал на шините.
Во градот Минстер, еден од најпогодените градови, имаше толку многу снег на улиците што амбулантите не можеа да поминат, а јавниот превоз беше во прекин.
Повеќе од 30 сантиметри снег падна во тој град, а во некои населени места снежните наноси се искачија до еден метар високи.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.