Целиот регион во текот на изминативе денови го зафати невреме и поплави.
Обилните дождови во Босна и Херцеговина и Хрватска предизвикаа големо излевање на водостојот во повеќе реки, поплавувајќи десетици куќи во повеќе населени места и голем број патишта, зголемувајќи ги стравувањата од можно повторување на големите поплави од 2014-тата година, кога водената стихија усмрти голем број луѓе од тој регион.
Хрватска и БиХ се соочуваат со обилни поплави, а хрватските служби ја информираа јавноста што луѓето не треба да прават во случај на поплави.
. Луѓето никако да не влегуваат во вода, затоа што тоа би било смртоносно.
. Статистички, во светот 50% од луѓето кои загинале за време на поплави, биле во автомобил.
. Додека има поплави треба да се избегнува движење со возила.
. Граѓаните да останат смирени, да обезбедат питка вода, храна и лекови за неколку дена.
. Да ги наполнат телефоните, но и на интернет да следат колкави се водостоите на реките.
. Да ги следат упатствата на дежурните служби, а мебелот да го кренат повисоко.
. Во случај на интервенција да се повикаат дежурните служби.
Поплава е природна појава (непогода), којашто се појавува заради високиот водостој во реките и езерата, поради што водата се прелива или излива од коритата и го поплавува околното подрачје. Причините што водат до висок водостој во реките и езерата се најчесто топење на снегот, обилни врнежи од дожд или некоја голема бура, попуштање на брана и слично.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.