Цела Македонија се крена на нозе откако вчера македонскиот документарец „Медена земја“ беше номиниран во две конкуренции – најдобар документарен филм и долгометражен филм од друго говорно подрачје што се случува по првпат во историјата на доделувањето на Оскар.
Социјалните мрежи беа преплавени со позитивни коментари и критики за филмот, а секако веста со голема радост и неверување беше дочекана од тимот.
Режисерот Љубомир Стефанов на својот Фејсбук профил објави видео заедно со кинематографот Самир Љума и режисерката Тамара Котевска.
Погледнете ги нивните реакции кога ќе слушнат за двете номинации за нивниот филм погледнете од видеото.
Инаку вчера тимот на македонскиот документарец се огласи на официјалната Фејсбук страна и се заблагодарува на Американската Академија (AMPAS) за тоа што го вклучи „Медена Земја“ во трката за најпрестижната филмска награда на светот.
Големо е достигнувањето на филмот. Големи се фестивалите, кои го слават и величаат. Но уште поголема треба да биде промената на која се надеваме. Таа промена тргнува од секој од нас поединечно.Филмот повикува на скромност, а кога ја гледаме љубовта во очите на гледачите, силно веруваме дека пораката е препознаена и дека скромноста е новото време низ кое со радост ќе зачекориме.
Уште еднаш, бескрајна благодарност до членовите на Акедемијата што филмот го нарекоа – МАТЕРИЈАЛ ЗАСЛУЖЕН ЗА ОСКАР.
Тимот на Медена Земја
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.