Сообраќајот на државните патишта се одвива по претежно суви коловози, информираат од Авто мото-сојузот на Македонија.

Сообраќајот на сите патни правци надвор од градските средини е умерен, а на границите нема подолги задржувања за влез и излез од државата јавуваат од Авто мото-сојузот на Македонија.
АМСМ препорачува намалена брзина на движење, почитување на сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и појава на одрони. На некои места коловозите се многу влажни, па поради ниските температури во вечерните и утринските часови постои можност и од појава на голомразица.

Законската обврска за задолжително поседување на зимска опрема во возилата, стапи на сила од 15 ноември 2018 година без оглед на временската состојба.