Ден по ветото од Софија шефицата на бугарската дипломатија Екатерина Захариева изјави дека односите на Софија и Скопје се во деликатна етапа, во која и двете страни се разочарани. 

И покрај тоа што Бучковски допатува со пораката дека доаѓа со добра волја официјална Софија го пречека со остра реторика.

Захариева повторно ја обвини македонската страна дека не ги исполнила обврските од Договорот за добрососедство, според неа во делот на едностраното блокирање и политизирање на работата на Историската комсиија, административните бариери за бугарските бизниси, бавната реализација на коридорот осум, скриената поддршка на лица и организации за поддршка на македонско малцинство во Бугарија, на што како што изјави софија алармирала година и половина.

На вчерашната реакција на македонската влада дека ветото на Софија е неодговорна стратешка грешка, Захариева врати дека не станувало збор за вето!

На заедничката прес конферемнција специјалниот владин претставник Владо Бучковски рече дека имал конструктивна едночасовна тет а тет средба со Захариева. Тој е лично задоволен што Бугарија неговото назначување го смета за дополнителен напор од македонска страна да се врати изгубената доверба.

Во периодот кој претстои повеќе да се фалиме со сработеното изјави Бучковски и потенцираше дека ниту тој ниту захариева не можат да ја променат заедничката историја.

По изјавите Бучковски ја напушти прес конференцијата а Захариева на новинарско прашање одговори дека Софија не го негира македонскиот идентитет.

И Бучковски и Захариева потенцираа дека треба да се врати довербата во процесот и дека треба да спласнат тензиите и во Скопје и во Софија. За време на неговиот престој Бучковски ќе се сретне со Борисов и Каракачанов, а утре и со бугарскиот претседател Румен Радев!