Спасени се пет деца од Србија, во зимското одморалиште Банско на возраст од 12 до 15 години, пренесоа српски „Вечерње новости“. 

Во соопштението се наведува дека се работи за деца кои возеле сноуборди надвор од скијачките стази. Бугарските спасувачки екипи реагирале на повикот за помош што децата го упатиле околу 4 часот вчера попладне. Децата моментално се во добра состојба и без посериозни повреди, но биле исплашени и имале голема паника за она што им се случило, јавија бугарските медиуми.

Градот Банско е сместен на источните падини на планината Пирин и во неговата непосредна близина се наоѓа и ски-центарот кој го носи истото име.

Банско e рекреативен скијачки центар во Пирин, ситуиран на надморска височина од 925 м. Располага со 17 скијачки патеки (должина 75 км) и 27 ски-лифтови. Наjвисоката точка на ски-центарот е 2560 м, а наjниската – 1000 м.