Велигден, најголемиот христијански празник, ден кога се слави христовото Воскресение и ден кога треба да се заборават политичките несогласувања и борбата за власт.

За празникот министерот за внатрешни работи Оливер Спасовски за Велигден се причести во Бигорскиот манастир. Таму присуствуваше и пратеникот од ВМРО ДПМНЕ, Влатко Ѓорчев. На покана на домаќините двајцата си ја пробаа среќата и се кршеа со велигденски јајца.

Илјадници верници имаа можност да присуствуваат на прославата на големиот христијански празник Велигден во Бигорскиот манастир.

Прекрасните фотографии што ги објави манастирот на својата веб-страница доловуваат дел од убавата празничка атмосфера и црковните обреди.

„Засветли денот на торжеството, денот на радоста! Ден на Воскресение, Пасха Господова, ден во кој „од смртта кон живот, и од земјата кон небото, Христос Бог нè преведе!“ Се огласи громогласно радосната вест за победата над смртта, одекна пораката за надеж и живот. Се објави неисцрпната љубов на Бога, Кој ги повикува смртните кон живот во полнота, ги приведува победоносно во светот на Воскресението“, напишаа од манастирот.