Чест ми е што повторно можам да го водам МВР и заедно со сите вработени да придонесеме за подобра безбедност на граѓаните, вели старо-новиот министер за внатрешни работи, Оливер Спасовски!

Во претходниот мандат значително ја зголемивме довербата на граѓаните во полицијата и во наредниот период ќе продолжиме во иста насока, со чесна и одговорна работа, транспарентно и секогаш во функција на граѓаните, вели министерот!

Добрите резултати на полицијата доаѓаат со мотивација на полициските службеници, со постојано подобрување на условите за работа и стандардот, а тоа ќе го правиме уште поинтензивно во наредниот период, продолжуваме со реновирањето на полициските станици, но и со изградба на нови објекти, набавка на нови униформи.

Продолжуваме со реформите во безбедносниот сектор и со нашиот концепт полиција заштитник и партнер на сите граѓани, рече Спасовски!

По 28 години се ослободивме од називот „тајна полиција”, ја разбивме концентрацијата на моќ во МВР и УБК и ги надминавме состојбите својствени за заробени држави и злоупотреба на институции, со гаранција дека веќе нема незаконско прислушување како во минатото!