По името на ракометната легенда Боро Чурлевски кој прерано почина преименувана е Спортската сала “Младост” во Битола.

Mнозинство во Советот на Општина Битола преку Комисијата за спорт при Советот на Општина Битола како точка на дневен ред ја предложи иницијативата Спортската сала да добие ново име според битолскиот ракометар познат во бившите југословенски простори и Европа.  

Иницијативата беше предложена од Методија Илиевски – координатор на советничката група од СДСМ а едногласно беше изгласана од власта и опозицијата. 

Боро Чурчевски беше еден од најквалитетните ракометари кои ги дала Битола. Играше во дресот на РК “Пелистер” кога тој се бореше во првата ракометна ју лига. Беше омилен кај битолската публика – играше среден бег и остави белег со својата брзина и снаодливост на терен. Почина 2014 година на 49 години. Неговите чекори ги продолжува еден од неговите синови кој игра ракомет во РК “Работник Еурофарм”.