Во 3 утрово македонски автобус на компанијата „Хафет Турс“ се запали во близината на црногороското летувалиште Петровац, јави Ohridnews.

Македонскиот автобусот бил на релација Скопје – Сплит, кога во 3 утрово се запалил во возење. Патниците навреме го напуштиле автобусот, а биле спасени и речиси сите торби, соопштил еден од патниците.

-Иако беше непријатно, немаше паника. Многу луѓе спиеја, но по алармот за пожарот веднаш еден по еден низ вратата на возачот, бидејќи другите врати беа блокирани, го напуштивме возилото и се оддалечивме на безбедно растојание. Во меѓувреме двајца од патниците веднаш се спуштивме во багажникот и спасени беа сите торби освен можеби една.- вели патник од автобусот.

Веднаш по немилиот настан, стигнала и противпожарна екипа, и пожарот бил локализиран. Патниците со друг автобус го продолжиле патувањето кон Сплит, Хрватска.