Пратеникот од ВМРО-ДПМНЕ, Антонио Милошоски откако собранискиот спикер не му дозволи да пушти наводна „бомба“ за лидерот на СДСМ, Зоран Заев поврзана со случајот „Рекет“ извади транспарент за како што рече, Денот на вљубените „Св. Валентајн“.

Милошоски прочита соопштение на СДСМ од 2017 година за фирмата на Крсто Мукоски од Вевчани, каде ја обвинуваат фирмата на фамилијата Мукоски за криминал од 2 милиони евра за АД за стопанисување со деловен простор, а поврзано со стадионот во Скопје.

– Крсто Мукоски е тука и јас никогаш не сум рекол дека е терорист, но Груби, Ременски и Богоевски и останати не знам дали го промениле мислењето дека е терорист, но очигледно дека тендерите се поважни од Јавното обвинителството на селективен политички начин, вели Милошоски.

За несвесната грешка на 27 април си го одлежав своето. Жал ми е што вие не одговарате, рече пратеникот Крсто Муковски од независната пратеничка група на ВМРО-ДПМНЕ, реплицирајќи му на Антонио Милошоски од ВМРО-ДПМНЕ, кој во дебатата за законот за јавно обвинителство рече го критикуваше за собраниските настани од 27 април.

Пред дебатата беше спречен обид за објава на нова бомба во која е инволвиран лидерот на СДСМ Заев.

Во Собранието за Законот за ЈО прв се јави Милошоски кој што сакаше да пушти „бомба“ за вмешаност на Заев во случајот „Рекет“.

Обидот беше спречен од спикерот Талат Џафери.

„Тука не е место за пуштање на вакви материјали. Има институции каде може да пријавите“, рече Џафери.