Дека сами си го уништуваме културното наследство, и нашите скапоцености говори и оваа фотографија.

Откако пред само неколку дена од дното на Охридското езеро на 100 метри оддалеченост од брегот, беше извлешена када, сега повторно на истата локација извадена е и вреќа со градежни плочки. Според нуркачкиот клуб кој го извлече градежниот шут од дното на Езерото, се работи за санитарни реквизити од истото реновирање на несовесниот граѓанин.

Градежниот шут бил извлечен изминатиов викенд од членот на нуркачкит центар „Акватек“, Никола Паскали. Вреќата со плочки која уште мината година минатата година беше лоцирана на дното од езерото.

Кадата и шутот се уште стојат на плажата Сараиште во центарот на Охрид и чекаат да бидат подигнати.

За потсетување, „Акватек“ пред неколку дена објавија дека на дното на Охридското езеро пронашле фрлена када.

Локацијата каде е пронајдена кадата е помеѓу Срјшче и Мостот на желбите, на 100 метри од брегот и на длабочина од 5 метри.

Откако беше објавено дека Охрид, ќе го загуби статусот на унеско, месецов му беше дадена последна шанса, па Охрид засега се спаси и не се најде на листата на загрозени подрачја. УНЕСКО на состанокот во Баку му даде уште една шанса на градот и беше одлучено за седум месеци, односно до први февруари да бидат исполнети сите 19 препораки дадени од Комитетот за зачувување на заштитениот регион. Како прв чекор на охридските власти е рушење на дивоградбите кои во Охрид ги има дури 1076 од кои повеќе од 400 се на крајбрежјето на езерото.